Kaixo, Aizpea naiz
eta ongi etorria eman nahi dizut
diseinua eraldatzailea den tokira.
Zer moduz elkar gehiago ezagutzen badugu?
Zerbait aitortu nahi dizut: asko pozten nau
zuk lerro hauek irakurtzeak.
Izan ere, horrek, lurra eta bertan bizi direnak errespetatzen dituen negozio bat sortzeaz gain,
egiten duzun guztian balio horiek ezarri nahi
dituzula esan nahi du.
Baita zure markaren diseinuan ere.
Ez duzu imaginatzen horrek zuri eta zure
proiektuari buruz zenbat esaten duen.
Benetan diot, oso ondo dakit zertaz ari naizen.
Azken finean, zu bezain pertsona inspiratzailez inguratuta pasatu dut bizitza osoa.
18 urte nituela, nire familiak hazi nintzen
baserrian elikagai ekologikoen negozio bat
sortzea erabaki zuen.
Ez zen ideia isolatua izan.
Nire herrian 160 bizilagun inguru soilik garen arren, ordurako bazegoen jasangarritasunean eta artisautzan oinarritutako enpresa sorta bat.
Izugarri gustatzen zitzaidan egiten zutenaren atzean zeuden istorioak entzutea, lan egiteko modua barrutik ikustea eta aldaketa positiboak sortzeko ilusioaren lekuko izatea.
Esperientzia horri esker, proiektu konprometituek
pertsona gehiagorengana iristeko kalitatezko diseinu
grafikoa merezi eta behar zutela ulertu nuen.
Beraz, Bilbon, Oslon, Bartzelonan eta Alacanten trebatu eta diseinu-agentzia handien lan egiteko moduarekin etsita sentitu ondoren, Itsasora itzultzea erabaki nuen. Nire etxera.
Eta ez bakarrik zentzu literalean. Nire etxea ez delako hazi nintzen Euskal Herriko txokoa bakarrik.
Nire etxea, gustura sentitzen naizen lekua, marka konprometituentzako diseinu grafiko jasangarria ere bada.
Gonbidatuta zaude, pasa nahi?
Sartu eta hartu eserlekua, hamabostean behin nire newsletter-aren ateak irekiko baitizkizut. Bertan,
diseinu grafiko jasangarria zure negozioan txertatzeko adibideak eta ideiak partekatzen ditut.
Hauek dira nire lan-gidak zure diseinuek
zure balioetatik edan dezaten:
o1
Ikuspegi esanguratsua
Zure proiektuaren historia eta helburuak entzuten ditut zurekin bat datorren eta konexio sakonak sortuko dituen diseinu bat elkarlanean eraikitzeko.
o2
Ingurumen-ikuspegia
Diseinatu beharreko pieza grafikoaren bizi-zikloa birpentsatzen dut, kontsumoa, emisioak eta hondakinak murrizteko.
o3
Gizarte-ikuspegia
Diseinu integratzailea sortzen dut, aniztasunari eta irisgarritasunari erreparatuz, pertsonekiko errespetuzkoa izan dadin.
o4
Ikuspegi ekonomikoa
Tokiko ekonomia bultzatzen eta indartzen duten kalitatezko hornitzaileekin lankidetzan aritzeari ematen diot lehentasuna.
aizuaiz filosofia:
zure proiektua nire ere sentitzen dut.
Konfiantzazko norbaiti zerbait garrantzitsua kontatu nahi diogunean, “Aizu…” xuxurlatzen diogu.
Horregatik deitu diot nire markari Aizu Aiz. Arreta guztiz entzungo dizudala jakitea nahi dudalako. Eta badakidalako zein baliotsua den zure proiektua zuretzat.
Beraz, ziur egon nirekin partekatzean esku onetan dagoela: errespetuz eta kontu handiz tratatuko dut eta pertsona gehiagorengana iristen lagunduko dizut, zure printzipioak errespetatuz.
