Duela bi urte hasi zen Itsasoko (nire jaioterria) ondare naturala kontserbatzeko proiektua. Argitalpen hauetan proiektuaren lehen eta bigarren faseak ikus ditzakezu.
Urtero bezala, San Lorentzo aldeko baso autoktonoa berreskuratu eta zaintzeko urrats berriak eman dira. Kasu honetan, 100 zuhaitz inguru landatu ditugu (haritzak, urkiak, gereziondoak, astigarrak, etab.). ermita inguruan.
Zoragarria da Itsasoko herrilurrak bertako zuhaitzez nola janzten diren ikustea.
Lana bukatutakoan, ibilaldi bat egin dugu Alegiaraino, eta Arazi enpresako Leire Zinkunegi biologoak kontatu digu ibaiaren inguruko biodibertsitatea handitzeko esku-hartzea nola egin den, intsektuentzako bizilekuak sortuz.
Izugarri gustatu zait proiektuaren hirugarren fase honetan parte hartzea eta gure fauna eta florari buruz pixka bat gehiago ikastea.
Bideo txiki bat utzi dut, eguneko laburpenarekin, Instagramen post honetan.
